§ 25. Будова, разнастайнасць і класiфiкацыя вірусаў
Вірусная часцінка (вірыён) складаецца з нуклеінавай кіслаты, якая знаходзіцца ў бялковай абалонцы — капсідзе. У некаторых вірусаў ёсць суперкапсід — дадатковая абалонка з ліпідаў і бялкоў. Звесткі аб структуры вірусных нуклеінавых кіслот выкарыстоўваюцца для класіфікацыі вірусаў.
Вірусы — абавязковыя ўнутрыклетачныя паразіты. Генетычная інфармацыя, якая ўтрымліваецца ў нуклеінавай кіслаце віруса, рэалізуецца з выкарыстаннем рэчываў і энергіі клеткі гаспадара. Вірусы бактэрый называюцца бактэрыяфагамі. Больш простымі, чым вірусы, няклетачнымі формамі жыцця з'яўляюцца віроіды — ўзбуджальнікі хвароб раслін.