Лабараторны дослед 1. Выраб шарастрыжнёвых мадэлей малекул вуглевадародаў

Выраб шарастрыжнёвых мадэлей малекул вуглевадародаў

Відэа 7.1.
Вярчэнне вакол
сувязі СimgС

З прапанаванага камплекта шароў і стрыжняў збярыце мадэлі малекул метану, этану, прапану, н-бутану і н-пентану.

У малекулах алканаў лёгка адбываецца вярчэнне вакол сувязей вуглярод-вуглярод (відэа 7.1). Дзякуючы гэтаму вугляродны ланцуг малекул алканаў можа прымаць розныя прасторавыя формы. Шляхам вярчэння вакол сувязей вуглярод-вуглярод надайце шарастрыжнёвай мадэлі малекулы н-пентану прасторавыя формы, прадстаўленыя на малюнку:

Шарастрыжнёвыя мадэлі малекулы н-пентану

Ці парушаецца паслядоўнасць злучэння атамаў у малекуле пры вярчэнні вакол сувязей вуглярод-вуглярод? Ці з’яўляюцца структуры, прадстаўленыя на малюнку, ізамерамі?

Збярыце шарастрыжнёвыя мадэлі ізамераў н-пентану. Ці можна атрымаць гэтыя мадэлі, зыходзячы з мадэлі н-пентану, шляхам вярчэння вакол сувязей вуглярод-вуглярод?