Хімія. 11 клас

Самакантроль

1. Валентны вугал вызначаецца:

• а) колькасцю атамных арбіталей дадзенага атама, якія ўдзельнічаюць ва ўтварэнні σ-сувязей з іншымі атамамі;
• б) колькасцю σ-сувязей, якiя ўтвараюцца дадзеным атамам;
• в) колькасцю π-сувязей, якiя ўтвараюцца дадзеным атамам;
• г) тыпам гібрыдызацыі атамных арбіталей.

2. У гібрыдызацыі атамных арбіталей удзельнічаюць:

• а) розныя па энергіі, але блізкія па форме атамныя арбіталі;
• б) розныя па форме, але блізкія па энергіі атамныя арбіталі;
• в) 1s-арбіталь і 2p-арбіталі;
• г) 2s-арбіталь і 2p-арбіталі.

3. Тып гібрыдызацыі, паказаны на схеме, характэрны для атамаў у малекулах:

• а) НС≡СН;
• б) Н₂С=СН₂;
• в) ВF₃;
• г) CF₄.

4. sp-Гібрыдныя арбіталі:

• а) утвораны дзвюма s-арбіталямі;
• б) утвораны адной s- і адной p-арбіталямі;
• в) арыентаваны адна да адной пад вуглом 180°;
• г) арыентаваны адна да адной пад вуглом 90°.

5. Прасторавая будова малекул:

• а) лінейная ў выпадку sp-гібрыдызацыі;
• б) лінейная ў выпадку sp²-гібрыдызацыі;
• в) тэтраэдрычная ў выпадку sp²-гібрыдызацыі;
• г) тэтраэдрычная ў выпадку sp³-гібрыдызацыі.