Біялогія. 11 клас

1. Якія з ніжэйпералічаных уласцівасцей жывых арганізмаў характэрныя для ві­русаў, а якія не?

Клетачная будова, рост, размнажэнне, рухомасць, раздражняльнасць, спадчыннасць.

2. Якія памеры і форма вірусных часцінак? Які мікраскоп выкарыстоўваюць для вы­вучэння формы і структуры вірусаў?

3. Дайце азначэнні паняццям «вірыён», «бактэрыяфаг», «віроід», «правірус».

4. З якіх хімічных рэчываў складаюцца вірусы?

5. Ахарактарызуйце будову простых і складаных вірыёнаў. Як фарміруюцца складаныя вірыёны? Як пабудаваны бактэрыяфагі?

6. Якія прыметы можна выкарыстоўваць для класіфікацыі вірусаў? На аснове чаго можна ідэнтыфікаваць вірусы?

7*. Параўнайце вірусы і хваробатворныя бактэрыі па розных прыметах. Вызначце рысы падабенства і адрозненні.