§ 39. Спадчынныя хваробы чалавека
 |
1. У чым заключаецца прынцыповае адрозненне паміж геннымі і храмасомнымі хваробамі? 2. Ахарактарызуйце вядомыя вам генныя і храмасомныя захворванні чалавека. 3. У чым заключаецца галоўнае адрозненне хвароб са спадчыннай схільнасцю ад генных і храмасомных? Якія фактары могуць спрыяць развіццю захворванняў са спадчыннай схільнасцю? 4. У чым заключаецца асноўная мэта медыка-генетычнага кансультавання? У якіх выпадках зварот у медыка-генетычную кансультацыю з’яўляецца абсалютна неабходным? 5. Чаму ў сем’ях, дзе муж з жонкай з’яўляюцца кроўнымі сваякамі, значна павышана рызыка нараджэння дзяцей са спадчыннымі анамаліямі? 6. Для людзей з якімі спадчыннымі захворваннямі магчыма прымяненне гарманальнага лячэння? Дыетатэрапіі? 7. Назавіце асноўныя меры прафілактыкі ўзнікнення спадчынных хвароб чалавека. 8*. Нараджэнне дзяцей з якімі храмасомнымі хваробамі магчыма, калі ў бацькі меёз працякае нармальна, а ў маці палавыя храмасомы не разыходзяцца (абедзве перамяшчаюцца да аднаго з двух полюсаў клеткі)? Або калі ў маці меёз працякае нармальна, а ў бацькі назіраецца неразыходжанне палавых храмасом? 9*. Вядома, што людзі, якія пакутуюць на фенілкетанурыю, па шэрагу прымет падобныя да альбіносаў. Так, яны звычайна маюць светлую скуру і валасы, а таксама светлую афарбоўку радужкі вачэй. Аднак у хворых на ФКУ гэтыя прыметы, як правіла, выяўлены слабей, чым у альбіносаў. Чым можна растлумачыць гэтыя факты? |