§ 9. Прававая дзяржава і грамадзянскае грамадства
1. Назавіце прынцыпы прававой дзяржавы і грамадзянскага грамадства. У чым праяўляецца іх узаемасувязь?
2. Назавіце не менш за пяць суб’ектаў грамадзянскага грамадства. Ахарактарызуйце аднаго з іх.
3. Запоўніце табліцу. Якія характарыстыкі дзейнасці СМІ вы аднесяце да дэмакратычнай палітычнай сістэмы, а якія — да таталітарнай: усе СМІ падпарадкоўваюцца закону і дзейнічаюць у прававым полі; улада пастаянна ўздзейнічае на грамадства сродкамі прапаганды; СМІ ствараюць вобраз ворага, распальваюць варожасць і нецярпімасць; СМІ мабілізуюць грамадскую думку на абмеркаванне і вырашэнне праблем грамадства; усе СМІ знаходзяцца пад поўным кантролем дзяржавы (незалежных не існуе); СМІ ажыццяўляюць грамадскі кантроль за дзейнасцю ўлады?
Выканайце міні-праект «Парадак сённяшняга дня». Выберыце 10 паведамленняў інфармацыйных агенцтваў за сённяшні дзень, праранжыруйце іх па ступені важнасці. Прасачыце, ці сталі яны галоўнымі навінамі ў медыя.