Печатать книгуПечатать книгу

§ 6. Праектаванне інтэрфейса аконнага дадатку з выкарыстаннем элементаў кіравання

Сайт: Профильное обучение
Курс: Інфарматыка. 11 клас (Павышаны ўзровень)
Книга: § 6. Праектаванне інтэрфейса аконнага дадатку з выкарыстаннем элементаў кіравання
Напечатано:: Гость
Дата: Суббота, 19 Апрель 2025, 12:38

Оглавление

6.1. Асноўныя элементы кіравання

Элементамi кіравання называюцца аб'екты, якія выкарыстоўваюцца для адлюстравання даных або выканання аперацый з данымі. Дзеянні з элементамі кіравання можна ажыццяўляць з дапамогай мышы або клавіятуры. Кіраванне рознымі праграмамі больш ці менш аднастайна, таму што ў складзе АС ёсць набор элементаў кіравання: тыпавых кнопак, рэдагуемых палёў, спісаў выбару, флажкоў, пераключальнікаў і г. д. Усе элементы кіравання сабраны ў спецыяльныя бібліятэкі кампанентаў. Асяроддзе распрацоўкі праграм C++Builder выкарыстоўвае бібліятэку VCL (Visual Component Library) — бібліятэку візуальных кампанентаў.

Кампаненты бібліятэкі VCL размяшчаюцца на розных старонках палітры кампанентаў (прыклад 5.7). Кожная старонка мае сваю назву. На старонках Standard (прыклад 6.1) i Additional (прыклад 6.2) размешчаны найбольш ужывальныя кампаненты.

Размяшчэнне кампанентаў на старонках палітры кампанентаў запамінаць неабавязкова. Можна скарыстацца пошукам (прыклад 6.3).

Кожнаму элементу кіравання ў асяроддзі C++Builder адпавядае адзін або некалькі кампанентаў.

Прыклад 6.1. Палітра кампанентаў Standard:

Прыклад 6.2. Палітра кампанентаў Additional:

Прыклад 6.3. Пошук кампанента Button:

6.2. Элемент кіравання Button (кнопка)

 

Некаторыя ўласцівасці кампанента Button пералічаны ў табліцы (прыклад 6.5).

Як бачна з табліцы, многія ўласцівасці кнопкі супадаюць па імёнах і прызначэннях з уласцівасцямі формы, таму ў далейшым для кампанентаў будуць паказвацца толькі тыя ўласцівасці, якія адрозніваюцца ад ужо апісаных для іншых кампанентаў.

Асноўнай падзеяй кампанента Button з'яўляецца OnClick. Для стварэння апрацоўшчыка падзеі OnClick для кнопкі можна паступіць гэтак жа, як і пры стварэнні аналагічнага апрацоўшчыка для формы: выбраць падзею на ўкладцы Events і выканаць двайную пстрычку ў полі насупраць падзеі OnClick. Можна проста выканаць двайную пстрычку па кнопцы. (Для формы асноўнай падзеяй з'яўляецца падзея OnCreate, таму пры двайной пстрычцы па форме ствараецца апрацоўшчык падзеі OnCreate.)

Прыклад 6.6. Стварыць праект, змясціўшы на форме дзве кнопкі. Пры націсканні на адну з іх колер формы павінен змяніцца на сіні, а пры націсканні на другую — павінен аднавіцца зыходны колер.

Этапы выканання задання

  1. Стварыць на форме двзе кнопкі.
  2. Змяніць уласцівасць Caption у кнопкі Button1 на Изменить цвет.
  3. Змяніць уласцівасць Caption у кнопкі Button2 на Восстановить цвет.
  4. Стварыць апрацоўшчык падзеі Clik для кнопкі Button1 і змяніць колер формы. Каманда
    Form1 -> Color = clBlue;
  5. Стварыць апрацоўшчык падзеі Clik для кнопкі Button2 і змяніць колер формы на зыходны (назва колеру формы паказана ў полі Color інспектара аб'ектаў). Каманда
    Form1 -> Color = clBtnFace;
  6. Захаваць змены ў праекце.

 Прыклад 6.4. Кампанент Button на форме:

Прыклад 6.5. Уласцівасці кампанента Button.

Уласцівасць

Прызначэнне

Caption

Загаловак (знешняе імя) кнопкі, тэкст, які адлюстроўваецца на кнопцы. Па змоўчанні — Button1

Font

Уласцівасць Font з'яўляецца складанай, пра што сведчыць значок  .  Пры націску на гэты значок раскрываюцца ўсе ўласцівасці шрыфту. Націск на кнопку   выкліча стандартнае акно ўстаноўкі ўласцівасцяў шрыфту

Height

Вышыня кнопкі

Weight

Шырыня кнопкі

Left

Гарызантальная каардыната становішча верхняга левага вугла кнопкі на форме

Top

Вертыкальная каардыната становішча верхняга левага вугла кнопкі на форме

Name

Імя (унутранае) кнопкі. Выкарыстоўваецца ў праграмным кодзе для звароту да аб'екта. З'яўляецца ідэнтыфікатарам

Enable

Значэнне True гэтай уласцівасці забяспечвае даступнасць кнопкі для мышы або клавіятуры

Visible

Значэнне True гэтай уласцівасці забяспечвае бачнасць кнопкі падчас выканання дадатку

Прыклад 6.6. Знешні выгляд формы ў рэжыме канструктара дызайну:

Знешні выгляд формы пры выкананні:

Акрамя кнопак Button ў C++Builder выкарыстоўваюцца кнопкі  і , размешчаныя на палітры кампанентаў Additional.

Кнопкі BitBtn — кнопкі з малюнкам. Уласцівасць Kind дадзенага аб'екта дазваляе выбраць кнопку з адным з стандартных малюнкаў.

Кнопкі SpeedBtn (кнопкі з фіксацыяй і графікай) прымяняюцца тады, калі патрабуецца фіксацыя націснутага стану.

Уласцівасць Glyph дазваляе ўставіць малюнак з файла на кнопках BitBtn і SpeedBtn.

6.3. Элемент кіравання Label (метка)

Кампанент Label (метка) прызначаны для адлюстравання тэксту на форме. На панэлі кампанентаў Standard метка адлюстравана ў выглядзе  , імя аб'екта — Label. Метка, змешчаная на форме, атрымлівае імя — LabelN, дзе N — нумар 1, 2, 3… (прыклад 6.7).

Некаторыя ўласцівасці кампанента Label (меткі), якія адрозніваюцца ад уласцівасцей кампанента Button (кнопкі), пералічаны ў табліцы (прыклад 6.8).

Асноўнай падзеяй для кампанента Label з'яўляецца падзея OnClick.

Прыклад 6.9. Стварыць праект, у якім рэалізаваць наступнае дзеянне: пры пстрычцы мышы па кнопцы «Прывітанне» з'яўляецца паведамленне «Прывітанне, свет».

Этапы выканання задання

  1. Змяніць уласцівасць Caption формы на «Працуем з кнопкай і меткай».
  2. Дабавіць на форму кнопку Button1.
  3. Змяніць уласцівасць Caption кнопкі на «Прывітанне».
  4. Дабавіць на форму метку Label1.
  5. Змяніць уласцівасці шрыфту для кампанента Label1. Націснуць кнопку  у полі Font (колер шрыфту — сіні, памер — 20, стыль — тлусты курсіў).
  6. Ачысціць поле Caption у меткі.
  7. У апрацоўшчык падзеі OnClick для кнопкі Button1 упісаць каманду
Label1 -> Caption = "Прывітанне, свет!";

Прыклад 6.7. Кампанент Label на форме:

Прыклад 6.8. Уласцівасці кампанента  Label:

Уласцівасці

Прызначэнне

Caption

Адлюстроўвае ўведзены тэкст на форме

Color

Устанаўлівае колер фону меткі. Працуе, толькі калі ва ўласцівасці Transparent устаноўлена значэнне false

Alignment

Гарызантальнае выраўноўванне тэксту адносна меж меткі: taCenter (па цэнтры), taLeftJustify (па левым краі), taRightJustify (па правым краі)

AutoSize

Значэнне True гэтай уласцівасці прыводзіць да аўтаматычнага змянення памераў меткі ў адпаведнасці з даўжынёй тэксту

LayOut

Вертыкальнае выраўноўванне тэксту адносна меж меткі: tlCenter (па цэнтры), tlBottom (па верхнім краі), tlTop (па ніжнім краі)

Transparent

Значэнне True (устаноўлена па змоўчанні) задае празрысты фон меткі

WordWrap

Значэнне True гэтай уласцівасці забяспечвае аўтаматычны перанос слоў па радках

Прыклад 6.9. Форма на этапе канструявання:

Дадатак у час работы:

6.4. Элемент кіравання Edit (тэкставае поле)

Edit (тэкставае поле) , імя аб’екта  — Edit.

Кампанент Edit, змешчаны на форму, атрымлівае імя — EditN, дзе N — нумар  1, 2, 3… (прыклад 6.10).

У адрозненне ад іншых разгледжаных кампанентаў Edit не валодае ўласцівасцю Caption. Некаторыя ўласцівасці кампанента Edit прыведзены ў табліцы (прыклад 6.11).

Значэнне ўласцівасці Text можна задаць на этапе канструявання, змяніўшы яго ў інспектары аб'ектаў. Пры выкананні праграмы карыстальнік, які ўводзіць тэкст у кампанент Edit, змяняе значэнне ўласцівасці Text. Таксама ўласцівасць Text кампанента Edit можа змяняцца праграмна. Асноўнай падзеяй кампанента Edit з'яўляецца падзея OnChange, якая адбываецца пры змяненні кампанента. Найбольш часта праграміруюць падзею OnKeyPress, якая дазваляе вызначыць, што за клавіша была націснута.

Прыклад 6.12. Стварыць праект, у якім карыстальніка папросяць увесці яго імя (напрыклад, Лізавета), а потым, пасля націскання клавішы Enter, будзе выдадзена паведамленне «Лізавета, прыемна з Вамі пазнаёміцца!».

Этапы выканання задання

  1. Змяніць уласцівасць Caption у формы на «Знаёмства».
  2. Змясціць на форме дзве меткі і тэкставае поле.
  3. Змяніць уласцівасць Caption у Label1 на «Увядзіце сваё імя і націсніце клавішу Enter».
  4. Ачысціць поле ўласцівасці Caption у Label2.
  5. Ачысціць поле ўласцівасці Text у Edit1.
  6. Напісаць апрацоўшчык падзеі OnKeyPress для кампанента Edit1, які будзе правяраць націсканне клавішы ўводу (код клавішы Enter — 13), і калі клавіша націснута, то памяняць уласцівасць Caption у  Label2:

if (Key == 13)
   Label2 -> Caption = Edit1 -> Text
   + ", прыемна з Вамі пазнаёміцца!";

Тэкставае поле Edit выкарыстоўваецца таксама і для ўводу, і вываду лікаў. Пры гэтым неабходна выкарыстоўваць функцыі для ператварэння радкоў у лікі і лікаў у радкі. Гэтыя функцыі прыведзены ў табліцы (прыклад 6.13). Такія ж функцыі для пераўтварэння радковых даных у лікавыя і наадварот выкарыстоўваюцца ў PascalABC.

У рускамоўнай версіі Windows у якасці раздзяляльніка цэлай і дробавай часткі ліку па змоўчанні выкарыстоўваецца коска. Калі пры ўводзе лікаў у тэкставыя палі выкарыстоўваць кропку, то будзе ўзнікаць памылка ператварэння тыпаў.

Прыклад 6.14. Стварыць праект, у якім карыстальнік зможа ўвесці лік і атрымаць значэнне ліку ў квадраце і квадратны корань з гэтага ліку.

Этапы выканання задання

  1. Змяніць уласцівасць Caption у формы на «Квадрат і корань».
  2. Змясціць на форме тры меткі, тры тэкставыя палі і кнопку.
  3. У кампанентаў Edit1, Edit2, Edit3 ачысціць поле ўласцівасці Text.
  4. Змяніць уласцівасць Caption у Label1 на «Увядзіце неадмоўны лік». Для змяшчэння тэксту ў два радкі трэба ўстанавіць значэнне True ва ўласцівасці WordWrap.
  5. Змяніць уласцівасць Caption у Label2 на «Квадрат ліку».
  6. Змяніць уласцівасць Caption у Label3 на «Корань з ліку».
  7. Змяніць уласцівасць Caption у Button1 на «Разлік».
  8. Напісаць апрацоўшчык OnClick для кнопкі.

Прыклад 6.10. Кампанент Edit (тэкставае поле) на форме:

Прыклад 6.11. Уласцівасці кампанента Edit:

Уласцівасці

Прызначэнне

BorderStyle

Вызначае мяжу вакол тэкставага поля: bsNone (няма мяжы), bsSingle (ёсць мяжа). Выгляд мяжы можна змяняць з дапамогай уласцівасцей  BevelInner, BevelKind, BevelOuter

MaxLength

Абмяжоўвае колькасць сімвалаў, якія можна ўвесці ў  Edit

ReadOnly

Значэнне True забараняе рэдагаванне тэксту, які адлюстроўваецца ў  Edit

Text

Змяшчае тэкст, які ўводзіцца і выводзіцца

Тэкставае поле часта называюць аднарадковым рэдактарам, паколькі яно забяспечана такімі функцыямі, як:

  • капіраванне вылучанага тэксту ў буфер абмену (камбінацыя клавіш Ctrl+С);
  • выразанне вылучанага тэксту ў буфер абмену (камбінацыя клавіш Ctrl+Х);
  • устаўка тэксту з буфера абмену ў пазіцыю курсора (камбінацыя клавіш Ctrl+V);
  • адмена апошняй каманды рэдагавання (камбінацыя клавіш Ctrl+Z).

Прыклад 6.12. Форма на этапе канструявання:

Дадатак у час работы:

Прыклад 6.13. Функцыі ператварэння лікаў і радкоў:

Назва функцыі

Дзеянне

Увод з дапамогай Edit

StrToInt

Ператварэнне радка ў цэлы лік

StrToFloat

Ператварэнне радка ў значэнне з плаваючай коскай (адпавядае тыпу экспаненцыяльны ў Excel)

Вывад з дапамогай Edit

IntToStr

Ператварэнне цэлага ліку ў радок

FloatToStr

Ператварэнне рэчаіснага ліку ў радок

FloatToStrf

Ператварэнне рэчаіснага ліку ў радок па зададзеным фармаце. Напрыклад, FloatToStrf(d, ffFixed,5,2) дазволіць вывесці лік, што займае 5 пазіцый, з якіх 2 адводзяцца для дробавай часткі ліку

Прыклад 6.14. Форма на этапе канструявання:

Апрацоўшчык падзеі OnClick для Button1.

void __fastcall TForm1::Button1Click(TObject *Sender)

{

  int a = StrToFloat(Edit1 -> Text);

  int b = a * a;

  double c = sqrt(a);

  Edit2 -> Text = IntToStr(b);

  Edit3 -> Text =
  FloatToStrF(c, ffFixed, 7, 3);

}

Дадатак у час работы:

Замест двух кампанентаў Label і Edit можна выкарыстоўваць адзін LabeledEdit, што спалучае ў сабе ўласцівасці абодвух кампанентаў. Знаходзіцца кампанент на палітры Additional:.

6.5. Элементы кіравання CheckBox (флажок) і RadioButton (пераключальнік)

Кампанент CheckBox (флажок) выкарыстоўваецца ў дадатках для ўключэння ці выключэння якіх-небудзь опцый. На панэлі кампанентаў Standard флажок адлюстраваны ў выглядзе , імя аб'екта — CheckBox. Флажок, змешчаны на форму, атрымлівае імя — CheckBoxN, дзе N — нумар 1, 2, 3… (прыклад 6.15). Некаторыя ўласцівасці кампанента CheckBox прыведзены ў табліцы (прыклад 6.16).

Кампанент RadioButton (пераключальнік, радыёкнопка) выкарыстоўваецца ў дадатках для ўключэння ці выключэння якіх-небудзь опцый. На панэлі кампанентаў Standard радыёкнопка адлюстравана ў выглядзе ,  імя аб'екта — RadioButton. Пераключальнік, змешчаны на форму, атрымлівае імя — RadioButtonN, дзе N — нумар 1, 2, 3… (гл. прыклад 6.15).

Уласцівасці Caption, Alignment і Checked у радыёкнопкі супадаюць з аналагічнымі ўласцівасцямі флажка.

Звычайна радыёкнопкі ўтвараюць групы ўзаемазвязаных пераключальнікаў (кампанент RadioGroup), якія дазваляюць выбраць толькі адзін з некалькіх магчымых варыянтаў. Праца з гэтым кампанентам будзе разгледжана пазней.

Прыклад 6.17. Стварыць праект для вылічэння дзелі ад дзялення аднаго цэлага ліку на іншы. Лікі задаюцца ў тэкставых палях. Вынік вылічваецца пры націсканні на кнопку «Разделить» і змяшчаецца ў трэцяе тэкставае поле. У залежнасці ад стану флажка ў выніку выдаецца цэлае ці рэчыўнае значэнне дзелі.

Этапы выканання задання

  1. Змясціць на форму тры тэкставыя палі, тры надпісы, флажок і кнопку.
  2. Ачысціць палі Text ва ўсіх кампанентаў Edit.
  3. Для кампанента Edit3, у якім будзе выводзіцца адказ, устанавіць значэнне True для ўласцівасці ReadOnly.
  4. Змяніць уласцівасць Caption у кампанентаў Label («Делимое», «Делитель», «Частное»).
  5. Змяніць уласцівасць Caption кампанента Button1 на «Разделить».
  6. Змяніць уласцівасць Caption кампанента CheckBox1 на «Целочисленное деление».
  7. Напісаць апрацоўшчык падзеі OnClick для кампанента Button1.
    7.1. Праверыць, што палі кампанентаў Edit1 і Edit2 не пустыя, калі гэта не так, то вывесці паведамленне «Адно з палёў не запоўнена».
    7.2. Праверыць стан пераключальнiка CheckBox. Калі ён уключаны, то выканаць цэлалікавае дзяленне, інакш звычайнае дзяленне.
    7.3. Вывесці вынік.
  8. Выканайце праграму для розных значэнняў. Праверце работу дадатку, калі адно з палёў Edit1 ці Edit2 (ці абодва палі) пустыя.

Прыклад 6.15. Кампаненты CheckBox (флажок) і RadioButton (радыёкнопка) на форме:

Прыклад 6.16. Уласцівасці кампанента CheckBox (флажок):

Уласцівасці

Прызначэнне

Checked

Значэнне True ў гэтай уласцівасці паказвае, што кампанент вылучаны (устаноўлена птушка  — ), пры значэнні False кампанент не вылучаны (пустое акно індыкатара  —  )

AllowGrayed

Значэнне False ў гэтай уласцівасці (устаноўлена па змоўчанні) дапускае два станы флажка: вылучаны і не вылучаны, значэнне True дапускае тры станы флажка: вылучаны, не вылучаны і прамежкавае

State

Дазваляе выбраць адно з трох станаў флажка: cbChecked (вылучаны), cbGrayed (прамежкавае значэнне — ) і cbUnchecked (не вылучаны) пры значэнні True ва ўласцівасці AllowGrayed

Caption

Надпіс каля кампанента CheckBox

Alignment

Вызначае, з якога боку кнопкі змяшчаецца надпіс: taLeftJustify (злева), taRightJustify (справа)

Прыклад 6.17. Форма на этапе канструявання:

Апрацоўшчык падзеі OnClick для Button1.

void __fastcall TForm1::Button1Click
               (TObject *Sender)

{

  if (Edit1 -> Text != "" &&

      Edit2 -> Text != "") {

    int a = StrToInt(Edit1 -> Text);

    int b = StrToInt(Edit2 -> Text);

    if (CheckBox1 -> Checked){

      int c = a / b;

      Edit3 -> Text = IntToStr(c);

    }

    else {

      double d = 1. * a / b;

      Edit3 -> Text =
      FloatToStrF(d, ffFixed, 5, 2);

    }

  }

  else {

    String s;

    s = "Адно з палёў не запоўнена";

    ShowMessage(s);

  }

}

Дадатак у час работы:

Дзяленне цалкам:

Рэчыўны вынік дзялення:

Палі не запоўнены

6.6. Элемент кіравання ScrollBar (паласа пракруткі)

ScrollBar (паласа пракруткі) — кампанент у выглядзе паўзунка, які ўяўляе сабой гарызантальную або вертыкальную паласу пракруткі. На панэлі кампанентаў Standard паласа пракруткі намаляваная ў выглядзе , імя аб'екта — ScrollBar.

Кампанент ScrollBar, змешчаны на форму, атрымлівае імя ScrollBarN, дзе N — нумар 1, 2, 3… (прыклад 6.18).

Некаторыя ўласцівасці кампанента ScrollBar прыведзены ў табліцы (прыклад 6.19).

Прыклад 6.20. Стварыць праект «Цветовая модель RGB». Стварыць форму па ўзоры, размясціўшы на ёй кампаненты Panel, ScrollBar, BitBtn. Колеры панэлей змяняюцца ў залежнасці ад значэнняў, вызначаных становішчам бегунка на адпаведнай паласе пракруткі.

Этапы выканання задання

  1. Змясціць на форму чатыры панэлі (кампанент Panel) і тры паласы пракруткі. Кампанент Panel з'яўляецца кампанентам-кантэйнерам. На ім можна размяшчаць іншыя кампаненты. Валодае ўласцівасцю Color.
  2. Устанавiць для кампанентаў ScrollBar наступныя ўласцівасці: Kind — SbVertical, Max — 255, Position — 255.
  3. Зафарбаваць панэлі чырвоным, зялёным, сінім і белым колерамі адпаведна. Тры панэлі павінны змяняць колер толькі па складальніках RGB: чырвоны, зялёны і сіні, а чацвёртая панэль афарбоўваецца ў колер, які атрымліваецца з трох складальнікаў.
  4. Напісаць апрацоўшчыкі падзей OnChange для кожнай паласы пракруткі. Пры змене становішча бегунка паласы пракруткі павінен змяніцца колер двух панэляў: складальнікам аднаго з колераў і панэлі з колерам RGB.
  5. Для задання колеру можна выкарыстоўваць функцыю RGB. Гэтая функцыя залежыць ад трох параметраў — лікавых значэнняў, якія складаюць колер у палітры RGB. Функцыя вяртае лікавае значэнне. Для выкарыстання гэтага ліку ў якасці колеру, яго трэба пераўтварыць да тыпу TColor.

Прыклад 6.18. Кампаненты ScrollBar (паласа пракруткі) на форме:

Прыклад 6.19. Уласцівасці кампанента ScrollBar:

Уласцівасці

Прызначэнне

Position

Вызначае месца становішча бегунка, якое можа змяняцца ў межах значэнняў, якія задаюцца ўласцівасцямі Min і Мах

Max

Максімальнае значэнне для паласы пракруткі

Min

Мінімальнае значэнне для паласы пракруткі

Kind

Тып паласы пракруткі: sbHorizontal — гарызантальная, sbVertical — вертыкальная

SmallChange

Вызначаюць памер зруху пры кліку на кнопкі ў канцы і пачатку паласы пракруткі або націскам клавішы са стрэлкай

Прыклад 6.20. Форма на этапе канструявання:

Апрацоўшчык падзеі OnChange для ScrollBar1.

void __fastcall TForm1::ScrollBar1Change
                (TObject *Sender)

{

  Panel1 -> Color = (TColor)

    RGB(ScrollBar1 -> Position, 0, 0);

  Panel4 -> Color = (TColor)

    RGB(ScrollBar1 -> Position,

        ScrollBar2 -> Position,

        ScrollBar3 -> Position);

}

Дадатак у час работы:

Пытанні да параграфа

1. Якія кампаненты залічваюць да элементаў кіравання?

2. Як змясціць кампанент на форму?

3. Якія ўласцівасці кампанента Button вы можаце назваць?

4. Якая падзея з'яўляецца асноўнай для кампанента Button?

5. Для чаго прызначаны кампанент Label?

6. У якіх выпадках выкарыстоўваецца кампанент Edit?

7. Для чаго прызначаны кампаненты CheckBox і RadioButton?

8. Што ўяўляе сабой кампанент ScrollBar?

Практыкаванні

   

1. Адкрыйце праект з прыкладу 3.9 і дапоўніце яго кнопкай «Ачысціць». Кнопка «Ачысціць»[1] павінна выдаляць тэкст меткі. (Уласцівасці Caption прысвоіць значэнне пустога радка: "".) Зрабіце выпадковым выбар колеру і памеру шрыфту ў меткі.

2. Адкрыйце праект з прыкладу 3.12 і дабаўце на форму тры меткі і дзве кнопкі.

    1. Змяніце ўласцівасці кампанентаў наступным чынам:

Кампанент

Уласцівасць

Значэнне ўласцівасці

Button1

Caption

Так

Button1

Visible

False

Button2

Caption

Не

Button2

Visible

False

Label3

Caption

Вы хочаце працаваць у IT?

Label3

Visible

False

Label4

Caption

Выдатна! Поспехаў у вывучэнні інфарматыкі! Яна Вам спатрэбіцца!

Label4

Visible

False

Label5

Caption

Іншыя прафесіі таксама патрабуюць ведання інфарматыкі.

Label5

Visible

False


2. Дабаўце ў апрацоўшчык падзеі KeyPress каманду,  якая робіць надпіс Label3 і кнопкі бачнымі.

void __fastcall TForm1::Edit1KeyPress(TObject *Sender, System::WideChar &Key)

{

  if (Key == 13) {

    Label2 -> Caption = Edit1 -> Text + ", прыемна з Вамі пазнаёміцца!";

    Label3 -> Visible = true;

    Button1 -> Visible = true;

    Button2 -> Visible = true;

  }

}

3. Напішыце апрацоўшчыкі OnClick для кнопак Button1 і Button2. Зрабіце бачнымі адпаведныя надпісы.

Форма на этапе праектавання

Дадатак, які працуе, пасля запуску

Дадатак, які працуе, да адказу на пытанне

Дадатак, які працуе, да адказу на пытанне


4*. Дабаўце ў дадатак яшчэ адно пытанне. Форму адказу выберыце самастойна.

3. Стварыце праект Калькулятор. Змясціце на форме тры тэкставыя палі і тры надпісы: «Першы лік», «Другі лік», «Вынік» (можна выкарыстоўваць кампаненты LabeledEdit). Дабавіць кнопкі для вылічэння сумы, рознасці, здабытку і дзелі. Забараніце рэдагаванне ў полі з адказам. *Дабаўце праверку дзялення на нуль.

*Дадайце флажок «целочисленные операции». Рэалізуйце вылічэнні ў залежнасці ад стану флажка.

Форма на этапе праектавання

Дадатак у час работы

4. Стварыце праект, у якім вылічаецца даход па ўкладу. Праграма павінна забяспечваць разлік грашовых сум для простых або капіталізаваных укладаў. Калі ўклад просты, то кожны месяц налічваецца аднолькавая працэнтная стаўка ад зыходнай сумы. Пры капіталізаваным укладзе налічэнне адбываецца штомесяц ад сумы ўкладу ў папярэднім месяцы.

Спіс кампанентаў

Форма на этапе праектавання

Дадатак у час работы

Праверце, ці запоўнены палі з зыходнымі данымі. Калі не, то выведзіце адпаведнае паведамленне.

5. Рэалізаваць «кнопку, якая ўцякае», г. зн. пры навядзенні паказальніка мышы на кнопку яна павінна выпадковым чынам памяняць месца.

6. Дабавіць у практыкаванне 5 кнопку «Дамоў», якая павінна перамясціць «кнопку, якая ўцякае» у верхні левы вугал формы.

7. Змяніце праект з прыкладу 6.20, дадаўшы вывад лікавых значэнняў складальнікаў колеру. * Дадайце флажок «Шестнадцатеричные значения», выводзьце значэннi ў дзесятковай або шаснаццатковай сістэме злічэння ў залежнасці ад стану флажка.

      

[1] Пажадана перад змяненнем скапіраваць праект у новую папку.