Самае важнае ў раздзеле 6

Да ліку першых мадэляў атамаў адносяцца мадэль атама Томсана і ядзерная (планетарная) мадэль атама Рэзерфарда.

Пастулаты Бора
I пастулат Бора (пастулат стацыянарных станаў):
атам можа знаходзіцца ў асобых стацыянарных квантавых станах, кожнаму з якіх адпавядае пэўная энергія. У стацыянарным стане атам не выпраменьвае.
II пастулат Бора (правіла частот):
атам можа пераходзіць з аднаго стацыянарнага стану ў іншы. Пры гэтым пераходзе можа выпускацца ці паглынацца квант электрамагнітнай энергіі, частата якога вызначаецца рознасцю энергій атама ў дадзеных станах:

дзе — частата паглынутага ці выпушчанага кванта выпраменьвання,   — энергія атама ў k-м і n-м стацыянарным стане, h — постоянная Планка.

Умова квантавання арбіт у атаме:

, 

дзе , — нумар арбіты,  m_e— маса электрона, v_n —  модуль скорасці электрона на n-й арбіце,  r— радыус n-й арбіты, h —  пастаянная Планка

Пераходы, якія адбываюцца пад дзеяннем знешняга электрамагнітнага выпраменьвання, называюцца індуцыраванымі або вымушанымі.

Стан рэчыва, пры якім для некаторай пары ўзроўняў заселенасць верхняга большая, чым ніжняга, атрымаў назву стану з інверснай заселенасцю.

Асяроддзе з інверснай заселенасцю ўзроўняў энергіі — актыўнае асяроддзе.

Працэс пераводу атамаў з асноўнага стану ва ўзбуджаны называюць напампоўкай.

Прынцып работы лазераў заключаецца ў выкарыстанні вымушаных выпраменьваючых пераходаў у сістэмах з інверсіяй заселенасці для генерацыі кагерэнтных светлавых хваль.

Асноўныя характарыстыкі лазернага выпраменьвання: кагерэнтнасць, малая разыходнасць (вузкая накіраванасць), монахраматычнасць, магчымасць атрымліваць звышкароткія імпульсы, вялікая магутнасць выпраменьвання.

Заданні для самастойных даследаванняў

1. Падрыхтуйце інтэрактыўную прэзентацыю (флаер, плакат, рэферат) аб дзейнасці выдатных фізікаў (Томсан, Бор, Басаў, Прохараў, Таўнс).
2. Падрыхтуйце рэфераты на тэмы: «Прымяненне лазераў: у прамысловасці (зварка, рэзанне, свідраванне), у медыцыне (хірургія, афтальмалогія, тэрапія), галаграфіі, тэрмаядзерным сінтэзе, хіміі, біялогіі, сувязі (кабельнай, тэлевізійнай, тэлефоннай), тэхніцы, лакацыі».