ДАДАТАКІ

ДАДАТАК 1.

Складанне дэмаграфічнага профілю краіны

Тыпавы план.

1. Выберыце са статыстычных даных асноўныя паказчыкі для складання дэмаграфічнага профілю краіны (на выбар) і сярэднесусветныя значэнні:
– колькасць насельніцтва, млн;
– агульны каэфіцыент нараджальнасці, ‰;
– агульны каэфіцыент смяротнасці, ‰;
– агульны каэфіцыент натуральнага прыросту/змяншэння, ‰;
– доля насельніцтва ва ўзросце да 15 гадоў, %;
– доля насельніцтва ва ўзросце старэй за 65 гадоў, %;
– каэфіцыент сальда міграцыі, ‰.

Крыніца даных: Афіцыйны сайт Даведачнага бюро па пытаннях народанасельніцтва.

Даныя запішыце ў табліцу ў сшытку.

2. Пабудуйце ў сшытку для практычных і індывідуальных работ макет дэмаграфічнага профілю — справа і злева начарціце восі Y і злучыце іх воссю Х. Для кожнага дэмаграфічнага паказчыка пабудуйце асобную вось Y. Усяго павінна быць сем восей Y.

Злева адлюструйце восі Y для паказчыкаў колькасці насельніцтва і натуральнага руху, справа — для ўзроставай структуры і міграцыі. Вертыкальныя маштабы для кожнага паказчыка выберыце адвольна.

3. Падпішыце адзінкі вымярэння на восях Y.

4. Пабудуйце на атрыманым макеце слупковыя дыяграмы для кожнага паказчыка і падпішыце назву малюнка.

5. На гэтай жа дыяграме пабудуйце графік сярэднесусветных дэмаграфічных паказчыкаў.

6. Параўнайце асноўныя дэмаграфічныя паказчыкі абранай краіны з сярэднесусветнымі значэннямі і запішыце ў табліцу ў сшытку.

ДАДАТАК 2.

Два партрэты ўрбанізацыі:
падабенства і адрозненні паміж развітымі краінамі
і краінамі, якія развіваюцца

Тыпавы план.

1. Выберыце са статыстычных даных асноўныя паказчыкі для параўнання ўрбанізацыі ў развітых краінах і краінах, якія развіваюцца, (на выбар) і сярэднесусветныя значэнні:
– доля гарадскога насельніцтва, %;
– тэмп штогадовага росту гарадскога насельніцтва, %.

Крыніца даных: афіцыйны сайт Аддзела народанасельніцтва ААН, Перспектывы сусветнай урбанізацыі.

Даныя запішыце ў табліцу ў сшытку.

2. Пабудуйце ў сшытку для практычных і індывідуальных работ макет дыяграмы ўрбанізацыі — справа і злева начарціце восі Y і злучыце іх воссю Х. Для кожнага паказчыка пабудуйце асобную вось Y.

Злева начарціце вось Y для паказчыка долі гарадскога насельніцтва, справа — для тэмпаў штогадовага росту гарадскога насельніцтва. Вертыкальныя маштабы для кожнага паказчыка выберыце адвольна. Падпішыце адзінкі вымярэння на восях Y.

3. Пабудуйце на атрыманым макеце слупковыя дыяграмы для кожнага паказчыка і для дзвюх выбраных краін, падпішыце назву малюнка.

4. На гэтай жа дыяграме адзначце лініяй паказчыкі ўрбанізацыі свету.

5. Параўнайце асноўныя паказчыкі ўрбанізацыі развітой краіны і краіны, якая развіваецца, з сярэднесусветнымі значэннямі і запішыце ў табліцу ў сшытку.

6. Выкарыстоўваючы матэрыялы вучэбнага дапаможніка, успомніце стадыі ўрбанізацыі і вызначыце стадыі ў выбраных вамі краінах:

7. Выкарыстоўваючы рэсурсы інтэрнэту і дадатковую літаратуру, напішыце прыклады найбуйнейшых гарадоў, агламерацый (калі ёсць) і мегалаполісаў (калі ёсць) у выбраных краінах:

8. Зрабіце вывад пра падабенствы і адрозненні ўрбанізацыі развітой краіны і краіны, якая развіваецца, па асноўных паказчыках.

ДАДАТАК 3.

Геаграфічныя тыпы сельскай гаспадаркі свету