§ 9. Правапіс галосных Е, Ё, Я
Сайт: | Профильное обучение |
Курс: | Беларуская мова. 10 клас |
Книга: | § 9. Правапіс галосных Е, Ё, Я |
Напечатано:: | Гость |
Дата: | Понедельник, 29 Апрель 2024, 22:57 |
Правіла
1. У беларускай мове літара ё пішацца толькі пад націскам: лёгкі, цётка, вёска. Літара ё пішацца не пад націскам у словах з каранямі ёд-, ёт-: ёдафóрм, ётавáны, а таксама ў складаных словах з першай часткай радыё-: радыёгрáма, радыёстáнцыя, радыёантэ̀на. Калі першая частка складанага слова з’яўляецца асновай назвы хімічнага элемента радый, то пішацца літара е: радыеакты́ўнасць, радыеметры́чны (у першым складзе перад націскам — літара я: радыямéтрыя, радыяхíмія). 2. У першым складзе перад націскам замест літар е, ё пішацца літара я: мёд — мядóвы, се'м — сямнáццаць. 3. У запазычаных словах у першым складзе перад націскам пішацца літара е: секýнда, кефíр, мелóдыя, Бетхóвен. 4. Літара е пішацца ў пачатку некаторых запазычаных слоў: ерэты́к, Еўрóпа, Еўпатóрыя. 5. Літара я захоўваецца на пісьме незалежна ад націску:
|
Практыкаванне № 84
Сфармулюйце правілы правапісу галосных е, ё, я на аснове прыведзеных прыкладаў.
а) цёплы — цяпле´йшы, цеплыня´;
б) геро´й, балеры´на, семе´стр;
в) ме´сяц, па´мяць, ты´сяча.
Практыкаванне № 85
На якой падставе прыведзеныя словы падзелены на групы?
Выправіце памылкі ў групоўцы слоў.
Запішыце, устаўляючы прапушчаныя літары.
п..шчотны б..розавік л..снічоўка с..дзіба |
кашл..ць св..ткаваць ве..ць мул..ць |
тэл..фон п..йзаж г..рань шчаб..танне |
в..снавы ап..рацыя н..паўторны в..рашчака |
се..ць дзев..ць сув..зь ц..жкаваты |
СЯДЗІБА — СЯЛІБА | |
Сядзі´ба — жылыя і гаспадарчыя пабудовы разам з садам, агародам (звычайна ў сельскай мясцовасці): сядзіба лесніка. Сялі´ба — невялікі населены пункт у сельскай мясцовасці: сяліба Акопы. Няправільнае ўжыванне: музей-сяліба Агінскага (правільна: музей-сядзіба Агінскага). |
Практыкаванне № 86
Утварыце і запішыце складаныя словы з першымі часткамі радыё-, радые-. Растлумачце правапіс літар е, ё, я.
Практыкаванне № 86-1
Запішыце па-беларуску 5-7 назваў хімічных элементаў, у якіх у першым складзе перад націскам пішацца літара е (пры неабходнасці звярніцеся да табліцы Мендзялеева). Да якіх напісанняў — фанетычных, марфалагічных, традыцыйных ці дыферэнцыйных — адносіцца правапіс літары е ў гэтых словах?
• Да якой лексікі паводле ўжывання — агульнаўжывальнай ці лексікі абмежаванага ўжытку — належаць запісаныя вамі словы?
У большасці запазычаных слоў пераход е ў я ў першым складзе перад націскам не адбываецца: метро, перыяд, легальны і інш. Як бачым, запазычаныя словы займаюць у нашай мове асаблівае месца: не падпарадкоўваюцца агульным правілам. Хаця назіраем тэндэнцыю да адаптавання іх да законаў мовы, у якую трапілі, сведчаннем чаго з’яўляюцца даўно запазычаныя ці, як іх яшчэ часам называюць, даўно асвоеныя словы (Паводле В. Іўчанкава). |
Прывядзіце прыклады даўно запазычаных слоў, у якіх у першым складзе перад націскам пішацца літара я.
Практыкаванне № 87
Запішыце словазлучэнні па-беларуску.
Серебряная медаль, пятеро котят, пятьдесят секунд, разъезжаться после ужина, заменить светофор, терпеливый верблюд, тяжеловатый мешок, небольшой зверинец, электрическое освещение, заледеневшая пещера, позеленевшие верхушки, отпраздновать именины, потеплеет послезавтра.
Практыкаванне № 88
Прачытайце тэкст. Што перадае загаловак: тэму ці асноўную думку тэксту?
Школа мужнасці
Служыў Міхась у парашутна-д..сантных войсках. Н..далёка ад Каўнаса разм..шчаўся вучэбны баталь..н, дзе рыхтавалі с..ржантаў. В..йсковая служба — н..лёгкае выпр..баванне для к..жнага с..лдата, але яна гартуе мужчынскі характ..р. А паветраны д..сант — сапраўдная школа мужнасці. Гэта Міхась адчуў на с..бе з першых дз..н службы.
Был.. цяжка прывыкнуць пасля вольнага жыцця да армейскіх парадкаў. З досв..тку да позняга веч..ра, з н..в..лікімі перапынкамі на адпачынак, яны вучыліся в..йсковай справе. Нават такому дужаму хлопцу, як Міхась, был.. н..выносна цяжка перан..сіць шт..дзённыя нагрузкі воіна-д..сантніка. Але ён трымаўся, бо помніў, як перад войскам павучаў яго бацька: «Б..з цяжкасцей не бывае посп..хум» (Паводле М. Кукуця).
Спішыце тэкст, устаўляючы прапушчаныя літары.
Ці згодны вы з тым, што без цяжкасцей не бывае поспеху? Складзіце вуснае выказванне (тып тэксту — апавяданне), якое б пацвердзіла або абвергла гэту думку.
Практыкаванне № 90
Прачытайце тэкст. Вызначце яго асноўную думку.
І зноў успамінаецца май. Маладая зеляніна вакол. Усё такое жаўтавата-зялёнае. Баба Васілінка такою парою першы раз выпусціць з хлява кароў. Каровы разыдуцца па лужку, а баба Васілінка адхіліцца ад іх, пойдзе па выспе*, і зноў тады народзіцца песня. Светлая і трапяткая, як гэты высокі вясновы дзень, як гэта зялёная маладая трава.
Праз гады я чую яе, тую песню, і мне кожны раз здаецца, што гэта спявае сама зямля. Праз гады бачу, як нястомнас нагінаецца да гэтай зямлі мая старая суседка (Паводле Х. Лялько).
Выпішыце з тэксту словы з арфаграмамі — галоснымі е, я. Растлумачце іх правапіс.
Практыкаванне № 91
Прачытайце тэкст. Вызначце яго стыль і тып. Назавіце часткі, якія адпавядаюць кампазіцыйнай схеме гэтага тыпу.
Адна жанчына ў час вайны знайшла кволага шчанюка. Ён падрос і аказаўся прыгожым сенбернарам. Сабакам быў вельмі разумны. Аднойчы ён бег ля порта і ўбачыў, як матросы разгружаюць баржу, выносяць мяшкі, скруткі. Сабака пачаў дапамагаць ім. За гэта матросы далі яму кацялок з ежай. Сабака ўзяў яго за дужку і асцярожна панёс дадому. Галодная гаспадыня вельмі здзівілася. Раніцай сабака панёс пусты кацялок на прычал і зноў прыняўся за работу. Матросы прасачылі за сабакам. Яны былі вельмі ўражаны тым, як сенбернар клапаціўся пра сваю гаспадыню.
Вось так сабака аддзячыў жанчыне, якая ў час вайны, калі ўсе былі галодныя, пашкадавала і выкарміла яго, маленькага шчанюка (Паводле Л. Адамовіч).
Пісьмова перакажыце тэкст, дапоўніўшы яго апісаннем сенбернара.
Практыкаванне № 91-1
Выканайце тэставыя заданні.
1. Адзначце словы, у якіх на месцы пропуску пішацца літара е:
1) б..сплатны;
2) б..скантрольны;
3) л..ксічны;
4) в..славаць;
5) с..ржант.
2. Адзначце словы, у якіх на месцы пропуску пішацца літара я:
1) м..ханіка;
2) выц..гнуць;
3) рады..цэнтр;
4) роўн..дзь;
5) с..мнаццаць.
3. Адзначце правільна напісаныя словы:
1) сялянін;
2) бензін;
3) завязь;
4) яліна;
5) высвятліць.
4. Знайдзіце слова, у якім дапушчана арфаграфічная памылка,запішыце яго згодна з арфаграфічнай нормай:
1) боязь;
2) універсам;
3) бязмежны;
4) пясняры;
5) экспедыцыя.
5. Устанавіце адпаведнасць паміж словамі і прапушчанымі ў іх літарамі:
1) марм..лад
2) дз..сятка
3) рады..слухач
4) Свіц..зь
а) е
б) ё
в) я
6. Запішыце па-беларуску словазлучэнне сезонный абонемент.