§ 13. Жывы арганізм як асяроддзе жыцця. Адаптацыі да жыцця ў іншым арганізме — паразітызм

    Ключавыя пытанні

1. Якія ўзаемаадносіны паміж арганізмамі называюцца паразітызмам?
2. Пералічыце перавагі арганізма як асяроддзя жыцця ў параўнанні з іншымі асяроддзямі жыцця.
3. Якія экалагічныя цяжкасці для жыхароў стварае арганізм як асяроддзе жыцця? Прывядзіце прыклады і дайце аргументаваны адказ.

     Складаныя пытанні

1. Для кожнай групы паразітаў пералічыце іх прадстаўнікоў.
Групы паразітаў: 1 — паразіты раслін; 2 — паразіты жывёл.
Прадстаўнікі: павітуха, воласагалоў, бычыны цэпень, заразіха, рафлезія, аскарыда, таемнік, плазмодый малярыйны.
2. Ці заўсёды арганізм, які жыве ў іншым арганізме, негатыўна ўплывае на яго жыццядзейнасць? Прывядзіце прыклады і дайце аргументаваны адказ.
*3. Устанавіце адпаведнасць паміж асяроддзямі жыцця і іх характарыстыкамі.
Асяроддзі жыцця: 1) арганізм як асяроддзе пражывання; 2) наземна-паветранае асяроддзе.
Характарыстыкі: а) пастаянства тэмпературнага, салявога і асматычнага рэжымаў; б) недахоп кіслароду і святла; в) з’яўляецца самым складаным па экалагічных умовах асяроддзем; г) абмежаванасць жыццёвай прасторы; д) рэзкія ваганні тэмпературы, вільготнасці і асвятлення.

* Індывідуальнае дамашняе заданне. У апошні час у кронах таполяў, бяроз і іншых дрэвавых раслін назіраецца штогадовае павелічэнне колькасці моцна разгалінаваных кусцістых утварэнняў. Яны становяцца зялёнымі да распускання лістоў на дрэвах. Як вы можаце растлумачыць гэту з’яву? Параўнайце стан дрэў аднаго віду, якія маюць розную колькасць кусцістых утварэнняў. Зрабіце вывад, ці ўплываюць гэтыя ўтварэнні на жыццядзейнасць дрэў. Складзіце прагноз на будучыню і прапануйце шляхі рашэння дадзенай праблемы.