§ 11. Наземна-паветранае асяроддзе жыцця. Адаптацыі арганізмаў да жыцця ў наземна-паветраным асяроддзі

    Ключавыя пытанні

1. Ахарактарызуйце ўласцівасці паветра як кампанента наземна-паветранага асяроддзя.
2. Якія фактары наземна-паветранага асяроддзя з’яўляюцца лімітуючымі? Чаму?
3. Назавіце найбольш небяспечныя забруджвальнікі паветра. У чым іх небяспека?

    Складаныя пытанні

1. Абгрунтуйце неабходнасць з’яўлення ў раслін пасля іх выхаду на сушу розных тканак: механічных, покрыўных, праводзячых.
2. Чым абумоўлена неабходнасць з’яўлення ў жывёл, што жывуць у наземна-паветраным асяроддзі, розных тыпаў канечнасцей? Прывядзіце прыклады жывёл з рознымі тыпамі канечнасцей.
*3. Устанавіце адпаведнасць паміж асяроддзямі жыцця і іх характарыстыкамі. Асяроддзі жыцця: 1 — наземна-паветранае; 2 — воднае. Характарыстыкі: а) шчыльнасць высокая; б) разнастайнасць умоў нізкая; в) лімітуючы фактар — вільготнасць; г) лімітуючы фактар — забяспечанасць кіслародам; д) шчыльнасць нізкая.

*Індывідуальнае дамашняе заданне. Вазьміце ў якасці аб’ектаў назірання па адной расліне і жывёліне з найбліжэйшага асяроддзя. Складзіце характарыстыку іх адаптацый да жыцця ў наземна-паветраным асяроддзі. Вызначыце, да якіх з фактараў асяроддзя выпрацаваны дадзеныя адаптацыі.