*§ 11-0. Юрыдычныя навукі і прафесіі
Натарыус. Натарыус — гэта асоба, якая здзяйсняе натарыяльныя дзеянні, г. зн. дзеянні, што надаюць юрыдычную сілу дагаворам і іншым дакументам.
Натарыусам можа быць грамадзянін Рэспублікі Беларусь, які мае вышэйшую юрыдычную адукацыю і стаж працы па юрыдычнай спецыяльнасці не меншы за тры гады, прайшоў прафесійную стажыроўку, здаў кваліфікацыйны экзамен і атрымаў пасведчанне на ажыццяўленне натарыяльнай дзейнасці.
Да паўнамоцтваў натарыуса належаць здзяйсненне натарыяльных дзеянняў, састаўленне праектаў здзелак, даверанасцей, згод, адмоў, заяў і іншых натарыяльных дакументаў, выраб копіі дакументаў і выпісак з дакументаў, тлумачэнне і кансультаванне па пытаннях здзяйснення натарыяльных дзеянняў.
Для паспяховага ажыццяўлення сваіх паўнамоцтваў натарыус павінен не толькі ведаць заканадаўства, але і быць цярплівым і ўважлівым да дэталяў, бо ад яго рашэння часта залежыць дапушчальнасць выкарыстання таго або іншага дакумента, магчымасць рэалізацыі ці абароны правоў.
1. Натарыус абавязаны:
- быць членам Беларускай натарыяльнай палаты;
- заключыць дагавор страхавання грамадзянскай адказнасці натарыуса за прычыненне натарыусам шкоды маёмасці;
- выконваць устаноўленыя заканадаўствам патрабаванні да ажыццяўлення натарыяльнай дзейнасці;
- шчыра і добрасумленна забяспечваць абарону правоў і законных інтарэсаў грамадзян і юрыдычных асоб, дзяржаўных інтарэсаў шляхам здзяйснення натарыяльных дзеянняў;
- правяраць сапраўднасць прадстаўленых грамадзянамі і юрыдычнымі асобамі для здзяйснення натарыяльных дзеянняў звестак і (ці) дакументаў;
- тлумачыць грамадзянам і юрыдычным асобам, якія звярнуліся па здзяйсненне натарыяльнага дзеяння, іх правы і абавязкі, папярэджваць аб наступствах здзейсненага натарыяльнага дзеяння…