§ 8. Прававыя асновы міжнародных адносін

1. Назавіце і ахарактарызуйце асноўныя прынцыпы міжнароднага права. Ці згодны вы з тым, што выкананне гэтых прынцыпаў усімі дзяржавамі — дастатковая ўмова для захавання міру на зямлі? Ці патрабуецца сёння карэкціроўка ці дапаўненне асноўных прынцыпаў міжнароднага права? Абгрунтуйце сваю думку.

2. У законах Ману можна прачытаць: «Няхай не забівае ні таго, хто сышоў на зямлю (калі сам застаўся на калясніцы), ні таго, хто спіць, ні таго, у каго няма кальчугі, ні таго, хто хворы ці цяжка паранены…» Правобразам якога прынцыпу міжнароднага гуманітарнага права з’яўляецца дадзеная норма старажытнаіндыйскага закона?

3. З апорай на СМІ ахарактарызуйце ролю Рэспублікі Беларусь ва ўдасканаленні механізмаў сучаснага міжнароднага права, забеспячэнні працэдур вырашэння міждзяржаўных спрэчак мірнымі сродкамі.

4. Знайдзіце ў філвордзе назвы міжнародных дагавораў.

Выканайце міні-праект «Узброены канфлікт — у медыя». Прааналізуйце літаратурны твор (фрагмент мастацкага ці дакументальнага фільма, сюжэт праграмы навін), у якім расказваецца пра ўзброены канфлікт. Якія прынцыпы міжнароднага гуманітарнага права выконваліся (або парушаліся) у ім?