§ 22. Паняцце пра разрэз. Выкананне і абазначэнне разрэзу
Складаныя разрэзы.
Некаторыя прадметы маюць такую ўнутраную будову, якую немагчыма паказаць на разрэзе з дапамогай адной сякучай плоскасці. У такіх выпадках выкарыстоўваюць складаныя разрэзы.
Складаны разрэз — разрэз, атрыманы пры мысленным рассячэнні двума і больш сякучымi плоскасцямі.
Складаны разрэз з’яўляецца камбінаваным відарысам. Ён складаецца з частак некалькіх простых разрэзаў.
У залежнасці ад становішча сякучых плоскасцей складаныя разрэзы падзяляюць на ступеньчатыя і ломаныя (рыс. 68.1). Ступеньчатым называюць складаны разрэз, утвораны некалькімі паралельнымі плоскасцямі. Ламаным называюць складаны разрэз, утвораны плоскасцямі, якія не перасякаюцца. У плоскасці чарцяжа ўсе сякучыя плоскасці сумешчаны ў адну.
Памятайце! Праекцыйная сувязь паміж ступеньчатым разрэзам і іншымі відарысамі чарцяжа (напрыклад, выглядам спераду) захоўваецца (гл. рыс. 68.1).