§ 11. Праецыраванне формы прадмета. Прамавугольнае праецыраванне на адну плоскасць праекцый

У аснову пабудовы графічных відарысаў на чарцяжах пакладзены метад праецыравання. Ён заключаецца ў тым, што відарыс прадмета на плоскасці атрымліваюць з дапамогай праецыруючых праменяў. Праецыраванне нагадвае ўтварэнне ценю аб’екта (рыс. 38). Пры асвятленні сонечнымі праменямі (ці штучным святлом, напрыклад ліхтаром) любы аб’ект адкідае цень, падобны да абрысаў самога прадмета.